ਸ਼ਨੀਵਾਰ ਨੂੰ ਇੱਕ ਸਾਈਬਰ ਹਮਲੇ ਨੇ ਯੂਰਪ ਦੇ ਕਈ ਮੁੱਖ ਹਵਾਈ ਅੱਡਿਆਂ ਦੀ ਚੈੱਕ-ਇਨ ਅਤੇ ਬੋਰਡਿੰਗ ਪ੍ਰਣਾਲੀ ਨੂੰ ਪ੍ਰਭਾਵਿਤ ਕੀਤਾ, ਜਿਸ ਨਾਲ ਯਾਤਰੀਆਂ ਨੂੰ ਭਾਰੀ ਦੇਰੀ ਅਤੇ ਅਸੁਵਿਧਾ ਦਾ ਸਾਹਮਣਾ ਕਰਨਾ ਪਿਆ। ਇਹ ਹਮਲਾ ਸਿਸਟਮ ਸੇਵਾ ਦੇਣ ਵਾਲੀ ਕੰਪਨੀ ਨੂੰ ਨਿਸ਼ਾਨਾ ਬਣਾ ਕੇ ਕੀਤਾ ਗਿਆ ਸੀ। ਬ੍ਰਸੇਲਜ਼ ਹਵਾਈ ਅੱਡਾ: ਹਵਾਈ ਅੱਡੇ ਨੇ ਦੱਸਿਆ ਕਿ ਸਾਈਬਰ ਹਮਲੇ ਕਾਰਨ ਸਿਰਫ਼ ਹੱਥੀਂ ਚੈੱਕ-ਇਨ ਅਤੇ ਬੋਰਡਿੰਗ ਹੀ ਸੰਭਵ ਹੋ ਸਕੀ।
ਇਸ ਨਾਲ ਉਡਾਣਾਂ ਦੇ ਸਮਾਂ-ਸਾਰਣੀ ‘ਤੇ ਵੱਡਾ ਅਸਰ ਪਿਆ। ਬਰਲਿਨ ਬ੍ਰਾਂਡਨਬਰਗ ਹਵਾਈ ਅੱਡਾ: ਅਧਿਕਾਰੀਆਂ ਨੇ ਕਿਹਾ ਕਿ ਯਾਤਰੀ ਪ੍ਰਬੰਧਨ ਪ੍ਰਣਾਲੀ ਨਾਲ ਜੁੜੇ ਇੱਕ ਸੇਵਾ ਪ੍ਰਦਾਤਾ ‘ਤੇ ਹਮਲਾ ਹੋਣ ਕਾਰਨ ਉਨ੍ਹਾਂ ਨੂੰ ਸਿਸਟਮ ਨੂੰ ਡਿਸਕਨੈਕਟ ਕਰਨਾ ਪਿਆ। ਲੰਡਨ ਹੀਥਰੋ ਹਵਾਈ ਅੱਡਾ: ਯੂਰਪ ਦੇ ਸਭ ਤੋਂ ਵਿਅਸਤ ਹਵਾਈ ਅੱਡੇ ਨੇ ਵੀ ਤਕਨੀਕੀ ਸਮੱਸਿਆ ਦੀ ਪੁਸ਼ਟੀ ਕੀਤੀ।
ਉਨ੍ਹਾਂ ਨੇ ਕਿਹਾ ਕਿ ਕੋਲਿਨਜ਼ ਏਰੋਸਪੇਸ, ਜੋ ਕਈ ਏਅਰਲਾਈਨਾਂ ਲਈ ਚੈੱਕ-ਇਨ ਸਿਸਟਮ ਪ੍ਰਦਾਨ ਕਰਦੀ ਹੈ, ਨੂੰ ਤਕਨੀਕੀ ਮੁਸ਼ਕਿਲਾਂ ਦਾ ਸਾਹਮਣਾ ਕਰਨਾ ਪਿਆ। ਹਵਾਈ ਅੱਡਾ ਅਥਾਰਿਟੀ ਨੇ ਯਾਤਰੀਆਂ ਨੂੰ ਸਲਾਹ ਦਿੱਤੀ ਹੈ ਕਿ ਉਹ ਆਪਣੀ ਉਡਾਣ ਦੀ ਸਥਿਤੀ ਦੀ ਜਾਂਚ ਕਰਕੇ ਹੀ ਘਰੋਂ ਨਿਕਲਣ ਅਤੇ ਇਸ ਅਸੁਵਿਧਾ ਲਈ ਮੁਆਫ਼ੀ ਵੀ ਮੰਗੀ।
